Ostonada Qozog‘iston tovarlarini markirovkalash va kuzatish yagona operatori Tañba tomonidan tashkil etilgan «Raqamli markirovkalash: iqtisodiy o‘sish asosi sifatida bozor shaffofligi» forumi bo‘lib o‘tdi. Tadbir Qozog‘istonda tovarlarni raqamli markirovkalashni joriy etishning besh yillik yakunlari, shuningdek, qo‘shni davlatlar tovarlarini raqamli markirovkalash bo‘yicha tajriba almashishga bag‘ishlandi.
Tadbirda davlat organlari, xalqaro tashkilotlar, biznes va ekspertlar hamjamiyati vakillari, Qozog‘iston dori vositalari va tamaki mahsulotlari ishlab chiqaruvchilari, shuningdek, YeOII mamlakatlari va O‘zbekistonning markirovka operatorlari ishtirok etdi.
«Xalqaro muloqot: YeOII mamlakatlari va O‘zbekistonda raqamli markirovkani joriy etish tajribasi» panel muhokamasida “Asl Belgisi” MAT operatori vakili Ahmadbek Fayziyev so‘zga chiqdi. U O‘zbekistonda raqamli markirovka tizimini samarali joriy etish bo‘yicha amaliy tajriba haqida so‘zlab berdi.
Nutqning asosiy lahzalari orasida:
• shaffof tovar aylanmasi zanjirini yaratish uchun davlat, biznes va texnologik operatorlarning sa’y-harakatlarini birlashtirish muhimligi;
• YeOII mamlakatlari va Markaziy Osiyo mintaqalari o‘rtasida tajriba almashishning ahamiyati;
• raqamli markirovkaning bozorga ishonchni oshirish, iste’molchilarni himoya qilish va eksportni rivojlantirish vositasi sifatidagi roli.
Eslatib o‘tamiz, “Asl Belgisi” MAT ma’lumotlariga ko‘ra, O‘zbekistonda 2025-yil 1-iyul holatiga ko‘ra, Markirovkalanadigan mahsulotlar reestrida 115 mingdan ortiq nom ro‘yxatga olingan. Tizimda 1 068 ta ishlab chiqaruvchi va 3 451 ta import qiluvchi faol ishlamoqda.
Bularning barchasi raqamli markirovka iqtisodiyotni raqamli o‘zgartirish, mahsulotga bo‘lgan ishonchni oshirish va halol raqobatni ta’minlashning muhim elementi ekanligini tasdiqlaydi.
