Vazirlar Mahkamasining 2020-yil 20-noyabrdagi «Ayrim turdagi mahsulotlarni majburiy raqamli markirovkalash tizimini joriy etish to‘g‘risida»gi 737-son qaroriga muvofiq 2021-2022-yillarda identifikatsiya vositalari orqali majburiy raqamli markirovkalash talabi joriy etiladigan tovarlar ro‘yxati tasdiqlandi.
Tamaki mahsulotlarini raqamli markirovkalashni joriy etish qoidalari va muddatlari Vazirlar Mahkamasining 2020-yil 31-dekabrdagi 833-son qarori bilan belgilangan. «Ayrim turdagi mahsulotlarni majburiy raqamli markirovkalash tizimini bosqichma-bosqich joriy etishni ta’minlash chora-tadbirlari to‘g‘risida».
3-ilovada majburiy raqamli markirovkalanishi lozim bo‘lgan tamaki mahsulotlari turlari ro‘yxati keltirilgan:
- filtrli sigaretalar;
- filtrsiz sigaretalar;
- chekiladigan tamaki mahsulotlarining boshqa turlari;
- chekilmaydigan tamaki mahsulotlari;
- nikotinli tamakisiz snyus, nikotinli suyuqlik va elektron sigaretalar.
Tamaki mahsulotlarining tasnifi va TIF TN kodlari texnik jihatdan tartibga solish sohasidagi normativ hujjatlarga muvofiq belgilanadi:
| TIF TN kodi | Pozitsiya nomi |
|---|---|
| 2402100000 | Sigaralar, uchlari kesilgan sigaralar va tarkibida tamaki bo‘lgan sigarillalar |
| 2402201000 | Tarkibida tamaki bo‘lgan, tarkibida chinnigul bo‘lgan sigaretalar |
| 2402209000 | Tarkibida tamaki bo‘lgan sigaretalar, boshqalar |
| 2402900000 | Sigaralar, uchlari kesilgan sigaralar, tamaki o‘rnini bosuvchi sigarillalar va sigaretalar |
| 2403110000 | Chilim tamakisi |
| 2403191000 | Boshqa chekiladigan tamaki, netto-massasi 500 g dan ko‘p bo‘lmagan birlamchi qadoqlarda |
| 2403199000 | Boshqa chekiladigan tamaki |
| 2403910000 | Gomogenlangan yoki tiklangan tamaki |
| 2403991000 | Chaynash va hidlash uchun tamaki |
| 2403999002 | Tamaki «kengaygan» tomiri |
| 2403999008 | Sanoatda ishlab chiqarilgan boshqa tamaki va tamakining sanoat o‘rnini bosuvchilar, tamaki ekstraktlari va essensiyalari |
| 2404110001 | Tarkibida «gomogenlashtirilgan» yoki «tiklangan» tamaki yoki tamaki «kengaygan» tomiri bo‘lgan yonmasdan nafas olish uchun mo‘ljallangan mahsulot |
| 2404110009 | Tarkibida boshqa tamaki bo‘lgan, yonmasdan nafas olish uchun mo‘ljallangan mahsulotlar |
| 2404120000 | Tarkibida nikotin bo‘lgan, yonmasdan nafas olish uchun mo‘ljallangan mahsulot |
| 2404190001 | Tarkibida tamaki o‘rnini bosuvchilar bo‘lgan, yonmasdan nafas olish uchun mo‘ljallangan mahsulotlar |
| 2404190009 | Tarkibida nikotin o‘rnini bosuvchi moddalar bo‘lgan, yonmasdan nafas olish uchun mo‘ljallangan mahsulot |
| 2404910009 | Tarkibida nikotin bo‘lgan, og‘iz orqali qabul qilish uchun mahsulotlar, boshqalar |
