Toshkentda 2025-yil 11-aprel kuni Hyatt Regency mehmonxonasida «Markaziy Osiyo mintaqasida energetik ichimliklarning rivojlanish tendensiyalari» mavzusida davra suhbati bo‘lib o‘tdi. Tadbir Energetik ichimliklar assotsiatsiyasi (ENERGY DRINKS ASSOCIATION) tomonidan tashkil etilgan bo‘lib, unda sohaning yetakchi ekspertlari va mutaxassislari ishtirok etdi.
Davra suhbati ishtirokchilari: xalqaro ilmiy ekspert Andreas Kadi, Yevropa energetik ichimliklar assotsiatsiyasi bosh kotibi, 2-Davlat tibbiyot universiteti professori Roman Xanferyan (Rossiya), Energetik ichimliklar assotsiatsiyasi prezidenti Vladlen Maksimov (Rossiya), shuningdek, sohaning boshqa yetakchi mutaxassislari. Mutaxassislar o‘z bilim va tajribalari bilan o‘rtoqlashib, ushbu ichimliklar segmentini rivojlantirishning asosiy jihatlarini yoritib berishdi.
Muhokamaning asosiy mavzusi tarmoq uyushmalari ishining o‘ziga xos xususiyatlari bo‘ldi. Turli mamlakatlardan kelgan assotsiatsiyalar vakillari a’zo bo‘lish jarayonlari, faoliyat maqsadlari va energetik ichimliklar bozoridagi dolzarb tendensiyalar haqida so‘zlab berishdi. Ishtirokchilar barqaror rivojlanishni ta’minlash va mahsulot sifati standartlarini oshirish uchun uyushmalar o‘rtasidagi hamkorlik muhimligini ta’kidladilar.
Bundan tashqari, davra suhbati doirasida sohada shaffoflik va nazoratni oshirishning zamonaviy vositalaridan biri sifatida mahsulotlarni raqamli markirovkalash mavzusi muhokama qilindi.
Davra suhbati Markaziy Osiyoda energetik ichimliklar bozorini yanada rivojlantirish bo‘yicha fikr almashish va tavsiyalar ishlab chiqish uchun muhim platformaga aylandi.
