Tamaki mahsulotlarini raqamli markirovkalash
Tamaki mahsulotlarini raqamli markirovkalashni joriy etish qoidalari va muddatlari «Ayrim turdagi mahsulotlarni majburiy raqamli markirovkalash tizimini bosqichma-bosqich joriy etishni ta’minlash chora-tadbirlari to‘g‘risida»gi Vazirlar Mahkamasining 2020-yil 31-dekabrdagi 833-son qarori bilan belgilangan.
Tamaki mahsulotlarini majburiy markirovkalash Vazirlar Mahkamasining 2020-yil 20-noyabrdagi "Ayrim turdagi mahsulotlarni majburiy raqamli markirovkalashni joriy etish to‘g‘risida"gi 737-son qarori bilan joriy etildi. Mahsulotlarni raqamli markirovkalash qoidalari va tamaki mahsulotlarini raqamli markirovkalashning o‘ziga xos xususiyatlari Vazirlar Mahkamasining 2020-yil 31-dekabrdagi "Ayrim turdagi mahsulotlarni majburiy raqamli markirovkalashni bosqichma-bosqich joriy etishni ta’minlash chora-tadbirlari to‘g‘risida"gi 833-son qarori bilan belgilandi.
Filtrli sigaretalar bo‘yicha: 2021-yil 1-yanvardan ishlab chiqaruvchilar, shu jumladan xorijiy ishlab chiqaruvchilar faqat markirovkalangan filtrli sigaretalar ishlab chiqarishni amalga oshiradi 2020-yil 31-dekabrga qadar ishlab chiqarilgan markirovkalanmagan filtrli sigaretalar aylanmasiga 2021-yil 31-dekabrga qadar ruxsat beriladi.
Filtrli sigaretalar:
2021-yil 1-yanvardan boshlab faqat markirovkalangan mahsulotlar ishlab chiqariladi va import qilinadi;
2021-yil 1-iyuldan boshlab ishlab chiqaruvchilar ulgurji bo‘g‘inga faqat markirovkalangan mahsulotlarni yuklaydilar;
2021-yil 1-oktyabrdan boshlab distribyutorlar chakana bo‘g‘inga faqat markirovkalangan mahsulotlarni jo‘natadi;
2022-yil 1-yanvardan boshlab O‘zbekiston Respublikasining butun hududida markirovkalanmagan sigaretalarni sotish taqiqlanadi.
2022-yil 1-oktyabrdan barcha turdagi tamaki mahsulotlari, shu jumladan, qizdiruvchi tamakini majburiy markirovkalash joriy etiladi.
- Vazirlar Mahkamasining 2020-yil 20-noyabrdagi "Ayrim turdagi mahsulotlarni majburiy raqamli markirovkalash tizimini joriy etish to‘g‘risida"gi 737-son qarori (tanishib chiqish)
- Vazirlar Mahkamasining 2020-yil 31-dekabrdagi "Ayrim turdagi mahsulotlarni majburiy raqamli markirovkalash tizimini bosqichma-bosqich joriy etishni ta’minlash chora-tadbirlari to‘g‘risida"gi 833-son qarori (tanishib chiqish)
- Vazirlar Mahkamasining 2019-yil 23-noyabrdagi "Onlayn nazorat-kassa mashinalari va virtual kassa tizimi qo‘llanilishini ta’minlash chora-tadbirlari to‘g‘risida"gi 943-son qarori (tanishib chiqish)
- Vazirlar Mahkamasining 2019-yil 25-iyundagi "O‘zaro hisob-kitoblar tizimida elektron hisobvaraq-fakturalardan foydalanishni takomillashtirish chora-tadbirlari to‘g‘risida"gi 522-son qarori (tanishib chiqish)
- Vazirlar Mahkamasining "Xorijiy yuridik shaxslar va qo‘shilgan qiymat solig‘i bilan bog‘liq soliq ma’muriyatchiligini takomillashtirish chora-tadbirlari to‘g‘risida" 2020-yil 14-avgustdagi 489-son qarori (tanishib chiqish)
Asosiy bosqichma-bosqich harakatlar
Birinchi qadam
ERI – bu elektron hujjatlarni imzolash va haqiqiyligini tekshirishda shaxsni tasdiqlash uchun zarur bo‘lgan an’anaviy qo‘l imzosining muqobili.
ERIdan foydalanish kontragentlar o‘rtasidagi o‘zaro aloqalarni minimallashtirgan holda yuridik ahamiyatga ega hujjatlarni tezroq almashish imkonini beradi.
EHni qanday olish mumkin
ASL BELGISI tizimida ro‘yxatdan o‘tish
“Asl Belgisi” MAT – Mahsulotlarni markirovkalash va kuzatish monitoringi milliy axborot tizimi. Ushbu tizimda mahsulot aylanmasi ishtirokchilari uchun mahsulotlarni markirovkalash bilan bog‘liq barcha ishlar: mahsulotlarni tavsiflash va markirovka kodlariga buyurtma berishdan tortib, markirovkalangan mahsulotlarni kiritish va muomaladan chiqarishgacha amalga oshiriladi.
Ro‘yxatdan o‘tish majburiy bosqich bo‘lib, usiz Vazirlar Mahkamasining 2020-yil 31-dekabrdagi 833-son qaroriga asosan markirovka bilan ishlash mumkin emas.
Tizimda balansni to‘ldirish
1. Markirovka kodlari uchun to‘lov hisobini olish uchun, birinchi navbatda, Asl Belgisi yagona shaxsiy kabinetida avtorizatsiyadan o‘tish kerak.
2. Kerakli mahsulot guruhini tanlaymiz.
Mahsulotni Markirovkalangan mahsulotlar reestrida ro‘yxatdan o‘tkazish
Har bir atributning mahsulot guruhlari bo‘yicha batafsil tavsifi ASL BELGISI Ma’lumot markazi – «Markirovkalanadigan mahsulotlar reestri» bo‘limida mavjud. Bo‘limni ko‘rish uchun foydalanuvchi registratsiyasi/avtorizatsiyasi zarur.
Buning uchun ikkita amal bajarilishi kerak.
1. Ro‘yxatdan o‘tish.
2. Ko‘rsatilgan elektron pochta manziliga havola yuboriladigan hisobni faollashtirish. Bo‘limni ko‘rish mumkin bo‘ladi.
Markirovka kodlarini buyurtma qilish va qabul qilish
Ishtirokchining shaxsiy kabinetida markirovkalash kodlari buyurtmasini shakllantirish uchun «Kodlarga buyurtma berish» bo‘limiga o‘tish lozim.
Markirovka kodlarini qo‘llash to‘g‘risida hisobot topshirish
Markirovka kodlarini bir holatdan boshqasiga o‘tkazish uchun ASL Belgisi MATda quyidagi hisobotlarni tayyorlash kerak.
1. Mahsulotga markirovka kodlarini qo’llash hisoboti.
2. Markirovka kodlarini hisobdan chiqarish (braklash/dropout).
3. Markirovka kodlarini agregatsiyalash hisoboti.
4. Dezagregatsiya holati.
Agregatsiya hisobotini topshirish
Agregatsiya – iste’mol qadog‘idagi mahsulotlarni guruhli qadoqqa va (yoki) birinchi darajali transport qadog‘iga, shuningdek, yaratilayotgan qadoqqa har bir kiritilgan iste’mol qadog‘i, transport qadog‘ining guruhli qadog‘i identifikatsiya kodlarining yaratilayotgan guruhli qadoq va (yoki) transport qadog‘ining identifikatsiya kodi bilan o‘zaro bog‘liqligi to‘g‘risidagi ma’lumotlarning saqlanishini ta’minlaydigan identifikatsiya kodini kiritgan holda keyingi darajali transport qadog‘iga birlashtirish.
Markirovkalangan mahsulotlarni elektron hisobvaraq-faktura bo‘yicha taqdim etish
Markirovka kodlarini hisobvaraq-fakturaga kiritishning bir necha usullari mavjud.
1. Qo‘lda – bu usul kam miqdordagi mahsulotlarni sotadiganlar uchun mos keladi.
2. Faylni elektron hujjat aylanish operatoringiz foydalanadigan formatda yuklash (odatda excel formatida). Bunday faylni markirovka kodlari bilan to‘ldirish uchun maxsus qurilmalar – ikki o‘lchovli lazer skanerlari, ma’lumotlarni yig‘ish terminallaridan foydalanish maqbuldir.
3. Maxsus dasturiy ta’minotga ega avtomatlashtirilgan tizim yordamida API usullari (sotiladigan mahsulot hajmi katta bo‘lgan mahsulot aylanmasi ishtirokchilari uchun mos keladi).